In 2014 het die aktrise, Julia Anastasopoulos, en Ari Kruger, haar man die filmregisseur, besluit om hul vaardighede en passie vir komedie verder te ontwikkel met projek wat apart staan van hul gewone kommersiele werk. Daar is SuzelleDIY gebore wat nie net tot volskaalse handelsmerk en besigheid ontwikkel nie, maar ook hul geliefde karakter, Suzelle, haar weg na die harte van duisende Suid-Afrikaners en mense oral in die wereld laat vind.

SuzelleDIY het verskeie toekennings ontvang, waaronder twee Loeries, die Superbalist 100 en die toekenning vir die Best People and Blogs- kanaal tydens YouTube se bekronings vir 2016.

Suzelle ontvang in 2018 drie SAFTA-nominasies en wen die prys vir Beste Regie: TV Komedie. Die twee het intussen ook hul eie kreatiewe produksiehuis gestig onder die naam Sketchbook Studios wat in Woodstock gebaseer is. Die span het suksesvolle handelsprodukte bekend gestel, waaronder Do It Yourself Diary wat meer as 5 000 kopiee verkoop het en hul blitsverkoper, SuzelleDIY the Book, waarvan daar al meer as 15 000 kopiee verkoop het.

Suzelle se aanhangers op sosiale media het met die verloop van jare in die mate toegeneem dat dit nie net gehelp het om die handelsmerk te vestig en die verkope van produkte te stimuleer nie, maar ook om ander sosiale entrepreneurs, glanspersoonlikhede en selfs verskeie leidende handelsmerke te ewenaar.

Julia en Ari se YouTube-kanaal het meer as 135 000 intekenare met gesamentlike video besigtiging van meer as 26 miljoen, tesame met 100 000 Instagram- en 135 000 Facebook-volgelinge onderskeidelik. Die span stel nou Resepte bekend; nog 'n passie- projek wat liefdevol ontwerp is deur die Sketchbook-familie. Hierdie projek is reeds vir geruime tyd in aanloop en die span kan nie wag om die boek uiteindelik met die wereld te deel nie!